Էկոիրավունքի դպրոց
Էկոիրավունքի դպրոց
Ֆրիդրիխ էբերտ հիմնադրամի հայաստանյան գրասենյակի աջակցությամբ Կանաչ Հայաստան ՀԿ-ն և Հայաստանի անտառներ ՀԿ-ն հիմնադրել են Էկոիրավունքի դպրոցը: Դպրոցը հիմնադրվել է՝ նպատակ ունենալով փաստաբանների, դատավորների, իրավապահ մարմինների շրջանակին ներգրավել բնության պաշտպանության գործում։ Հետագայում հույս ունենք ընդլայնել մեր լսարանն՝ ընդգրկելով նաև այլ մասնագիտությունների ներկայացուցիչների։
Էկոիրավունքի դպրոցում դասավանդելու է էկոլոգիական իրավունքի մասնագետ, «Էկոլոգիական իրավունք» ՀԿ նախագահ Արթուր Գրիգորյանը։ Նրա դասավանդման թեմաներն են՝
- Հայաստանի դատաիրավական պրակտիկան հասարակական կազմակերպությունների դատավարական իրավասուբյեկտության վերաբերյալ,
- Հայաստանի դատաիրավական պրակտիկան Շրջակա միջավայրի վրա ազդեցության գնահատման (ՇՄԱԳ) փորձաքննական եզրակացությունների վիճարկման հայցերի դեպքում։
Էկոիրավունքի դպրոցում դասավանդելու է նաև Հայկ Ալումյանը, ով առաջիններից է Հայաստանում, ով պաշտպանել է դատարանում առողջ շրջակա միջավայրի իրավունքը, մասնավորապես՝ Թեղուտի և Ամուլսարի գործերի միջոցով, որոնք նախադեպային են Հայաստանի դատավարությունների պատմության մեջ։ Էկոիրավունքի դպրոցում Հայկ Ալումյանի դասավանդման թեմաներն են՝
- Օրհուսի կոնվենցիայի կիրառությունը ՀՀ-ում,
- Բնապահպանական հարցերով դատավարություններ՝ մինչև ՄԻԵԴ,
- Սեփականության իրավունքի պաշտպանություն (հանքարդյունաբերեության գործունեության հետևանքով գույքի խլում, հանրային գերակա շահ):
Էկոիրավունքի դպրոցում դասավանդելու է փաստաբան, էկոլոգիական իրավունքի մասնագետ Նազելի Վարդանյանը։ Նա ևս առաջիններից է, ով էկոլոգիական իրավունքը սկսեց պաշտպանել նաև դատարաններում։ Նազելի Վարդանյանի դասավանդման թեմաներն են՝
- SLAPP գործերը (Հանրային մասնակցության դեմ ռազմավարական դատավարություններ) և հանքարդյունաբերական խոշոր ընկերությունները,
- ՇՄԱԳ օրենսդրության կիրառումը և զարգացման նոր տենդենցները:
Էկոիրավունքի դպրոցում արտասահմանից հրավիրված դասավանդողը մարդու իրավունքների, միջազգային քրեական իրավունքի, միջազգային մարդասիրական իրավունքի փորձագետ Մոդ Սաղլիևն է։ Նրա դասավանդման թեման է՝
- Առողջ միջավայրի իրավունք. քայլեր ուղղված Հայաստանում այս իրավունքի իրացմանը բոլորի համար:
Սեմինարը նախատեսվում է անցկացնել 2023թ-ի հուլիսի 8-9-ը՝ Ծաղկաձորում: Կարող են դիմել գործող իրավաբաններ, փաստաբաններ, դատավորներ, դատավորների օգնականներ, իրավապահ մարմինների ծառայողներ, իսկ բնապահպանական ոլորտին ծանոթ լինելը պարտադիր պայման չէ:
Դասընթացին մասնակցելու համար պետք է լրացնել սույն հայտը:
Դիմելու վերջնաժամկետն է 2023թ-ի հունիսի 
-ը:
Արդյունքների մասին բոլոր դիմորդները կտեղեկացվեն 2023թ-ի հունիսի 
-ին:
Հարցերի դեպքում գրել info@green-armenia.org և ecorightsschool@gmail.com հասցեներով: