Ընդունելություն և մրցույթ
⚖️Ֆրիդրիխ էբերտ հիմնադրամի հայաստանյան գրասենյակի աջակցությամբ Կանաչ Հայաստան ՀԿ-ն իրականացնում է “Էկոիրավունքի դպրոց” ծրագիրը, որի շրջանակներում հայտարարում ենք ընդունելություն՝ 2025թ-ի հունիսին կայանալիք երկօրյա դասընթացին մասնակցության համար: Սա Էկոիրավունքի դպրոցի երրորդ դասընթացն է։ Նախորդ տարիներին դասընթացին մասնակցել են փաստաբաններ, իրավաբաններ և իրավապահ մարմինների աշխատողներ։ Այս անգամ դպրոցը նախատեսված է նաև ԲՈՒՀ-երի իրաբանական ֆակուլտետի ավագ կուրսերում և մագիստրատուրայում սովորող և էկոլոգիական իրավունքով հետաքրքրված ուսանողների համար։
💡Դպրոցի նպատակն է իրավունքի ոլորտում ապագա մասնագետներին ուղղորդել դեպի բնության պաշտպանություն՝ հետագայում դատավարություններում «կանաչ» գիտելիքները և փորձը կիրառելու նպատակով։ Դպրոցում դասավանդելու են Հայաստանից հրավիրված իրավաբաններ, ովքեր երկար տարիների փորձ ունեն հատկապես բնապահպանական դատավարական գործընթացներում:
🗓️Դասընթացը նախատեսվում է անցկացնել հունիսի 7-8-ը՝ Աղվերանում:
🎓Կարող են դիմել իրավաբանական ֆակուլտետի ավագ կուրսերի ուսանողներ։ Էկոլոգիական իրավունքի ոլորտին ծանոթ լինելը պարտադիր պայման չէ:
✍️📋 Դասընթացին մասնակցելու համար խնդրում ենք լրացնել կցված հայտը:
Դիմելու վերջնաժամկետն է մայիսի 11-ը:
⭐Արդյունքների մասին բոլոր դիմորդները կտեղեկացվեն մայիսի 19-ին:
🏆 Դասընթացի ավարտին մասնակիցները ոչ միայն կստանան դասընթացի մասնակցության հավաստագրեր, այլև հնարավորություն՝ մասնակցելու բնապահպանական իրավունքի թեմայով Դպրոցի հայտարարած հոդված-վերլուծությունների մրցույթին։